«Արմենիան Տոբակո Քոմփանի»-ն արտադրում է միջազգային բարձր ստանդարտներին համապատասխան սարքավորումներով բարձրորակ ծխախոտային արտադրանք։ Ներդրված եվրոպական նորագույն տեխնոլոգիաները և լաբորատոր սարքավորումները ապահովում են հոսքագծերի անխափան աշխատանքը, բարձր արտադրողականությունը և արտադրանքի կատարյալ որակը։
Ծխախոտ մարդիկ սկսել են օգտագործել դեռևս 6000 տարի առաջ։ Ամերիկյան ծագում ունեցող այս բույսը անչափ սիրված էր տեղի հնդկացիների կողմից։ Ծխախոտի տերևները օգտագործվում էին շամանների կողմից մի շարք ծիսական և կրոնական արարողությունների ժամանակ։ Հնդկացիները ծխում էին տերևները հատուկ ծխամորճերով, օգտագործում թեյեր պատրաստելիս և այլն։ Նրանք այրում էին տերևները և ծխով մաքրում միջավայրը «չար ուժերից»։ Կա տեսակետ, որ հենց Կոլումբոսը բերեց Եվրոպա առաջին ծխախոտի տերևները, որը նրան նվիրել էին հնդկացիները։
